• 16.05.2022

21 лютага адзначаецца Міжнародны дзень роднай мовы

 21 лютага адзначаецца Міжнародны дзень роднай мовы

Першапачаткова з такой ініцыятывай выступіў Бангладэш. Менавіта ў гэтай краіне 21 лютага 1957 года загінулі 5 студэнтаў, якія адстойвалі права навучацца на роднай мове. Затым свята было заснавана Генеральнай сесіяй ЮНЭСКА ў 1999 г. з мэтай захавання моўнай і культурнай разнастайнасці ў свеце.

Дзень роднай мовы асаблівы для кожнай нацыі. Бо няма мовы без народа, і народа няма без мовы.

Ільняная і жытнёвая. Сялянская.

Баравая ў казачнай красе.

Старажытная. Ты самая славянская.

Светлая. Як травы ў расе.

Вобразная, вольная, пявучая,

Мова беларуская мая!

— пісаў беларускі паэт Пімен Панчанка пра ўнікальнасць роднага беларускага слова.

Але не лішнімі сёння будзе ўспомніць і радкі, якія напісаў вядомы беларускі перакладчык , паэт, краязнаўца Пятро Бітэль :

Любіць сваё – зусім не значыць

Чужое ганіць, адмаўляць.

Вось за чужым свайго не бачыць,

Не вывучаць, не шанаваць —

Злачынствам будзе без сумлення,

Бо ёсць такі закон жыцця:

Шануй чужое аж да пакланення,

Сваё любі да самазабыцця.

Связанные новости